قصه حصلت لـ { مولود } في المستشفى !

السلآم عليكم ..

فيه قصه قريتهآ اليوم .. صرآآحه اعجآز سبحآن الله يالله ماطول عليكم هذي القصه .. اتمنى تقرونهآ للأخير !


•

•

•


قصة حقيقيه حصلت في مستشفى

في يوم الاثنين

الموافق 7_ 1_ 1986

الساعه 7:15 الفجر


طلعت الممرضه من غرفة الولاده و شافت ( علي ) جالس على الكرسي

ويدعي ربه ان الولاده تتم على خير ..



الممرضه : ".. sir .. mabrook .. you got aboy "

<< مبروك جآلك ( ولد )

علي من الفرحه شوي و بيطير من مكانه

اخيرا ربي رزقني بالولد

الحمد لله و الشكر

شاف علي ولده و استانس و فرح و سماه محمد

في الغرفه

علي : " الحمد لله على السلامه يا ام محمد "

ام محمد : " الله يسلمك .. اخيرا تحقق الحلم ويا محمد "


محمد من يوم هو صغير

كان يجنن والممرضات متخبلات عليه ..



{ اليوم الثاني }

الصبح الساعه 9

دخلت الممرضه تنظف الحجره

محمد كان في فراشة يم امه

والام شبه راقده ..

الفراش مثل اي فراش طفل وهو صغير ..

لون محمد متغير

شالته الممرضة و حطت بطنه على ايدها .. و قامت تضربه على ظهره !

ام محمد فزت من النوم و فتنت عليها و شلت الولد

ما مرت دقيقتين الا محمد يزوع مره ثانيه

بس هالمره الزواع لونه وردي ؟!

مش طبيعي

نادت ام محمد الدكتور و خبرته

شلو عنها محمد و راحوا

و عقب شوي ياها الدكتور و قاللها تطمني


بس قلب الام ../

ام محمد على طول اتصلت في ( علي ) وقالتله تعال المستشفى

علي كان رايح العين

لانه يداوم هناك


قالتله ام محمد

الحين ترد بسرعه ..



رجع علي باسرع ما يمكن

و حصلله رادار في الطريق صورة

من وصل المستشفى خبرته ام محمد بالسالفه

سار يدور الولد

ما لقاه في الحضانه

طلب الدكتور و يوم يا قالله وين ولدي

الدكتور : " ابنك موقود ما تخفش .. مافيش اي حاجه "

بو محمد رد الحجره و جلس ويا حرمته
عقب شوي دخلت ممرضه تصيح

هالممرضه كانت الوحيده المسلمه في هالقسم

علي: " .. خير شو فيج ؟! "

الممرضه : " بابا .. مال انته بجا واجد تعبان .. ممكن موت .. كلش دم يجي من هلج مال هو .."

ام محمد من سمعت هالسالفة اظلمت الدنيا في عينها ..

بومحمد سار عند الدكتور و قبضه من رقبته

وقال له : الحين ابي اشوف ولدي و لا تراني باجتلك !

و عقب بو محمد عرف السالفه كلها






و الصدمه



محمد عنده نزيف داخلي .. ثقب في الحجاب الحاجز ( للقلب )



علي : " دكتور .. ولدي بيموت وانتو مخبين علي .. شو ممكن نسويله الحين؟! "

الدكتور : " الصراحه ما اعرف شو اقوللك... نحنا ممكن نسويله عمليه نلحم فيها الحجاب الحاجز .. بس نسبة النجاح فيها 3% "

علي : " لا حول ولا قوة الا بالله العلي العظيم .. حسبي الله و نعم الوكيل "




مرت الايام

و علي مب عارف شو يسوي .. شهر مر و محمد عايش على الاجهزه

ابو علي قال له : خلنا نسفره برآآ .. بس المشكله ان حالته ما تسمح بالسفر

الدكتور طلب يقابل علي



علي : " دكتور طلبتني ؟! "

الدكتور : " آي نعم .. يا علي حالة ولدك صعبه و نسبة نجاح العمليه تكاد تكون معدومه .. شو رايك تتبرع بولدك لخدمة الانسانيه .. و نحن عندنا الخبير { الالماني } يبا يجرب علاج جديد للقلب .. فشو رايك تتبرعلنا بولدك ؟! "

( على ذمتي ان كل كلمه من هالحوار صحيحه )

علي شوي وكان بيقتل الدكتور .. بس الدكاتره الباقين قبظوه



اليوم الثاني سائت حالت محمد

الساعه 2 في الليل
اتصلوا المستشفى و قالوا ان النزيف اشتد و لازم تتسوى العمليه خلال 6 ساعات
ولا الولد بيموت

بو محمد جالس على نار

اتصل به ابوه و قال له : لا تسوي العمليه .. بنحجز طياره طبيه خاصه و نطلعة للعلاج برآآ
علي قاله : لا انا بستخير و بشوف !

بو محمد استخار ربه و قرر يسوي العمليه

الساعه 6:15 الصبح .. محمد داخل غرفت العمليات

و امه يالسه عند الباب تصيح و تذكر ربها

الساعه 7 ... مافي خبر

الساعه 8 ... مافي خبر


الساعه 9 ... طلع الدكتور و قال :

الحمد لله لحمنا الحجاب الحاجز و القلب بعده يدق .. بس باقي نسكر مكان العمليه !

ام محمد سجدت لربها شكر في الممر و تمت تصيح

رجع الدكتور غرفة العمليات

الساعه 12:30 طلع و ويهه كله عرق

و نظراته حزينه

قال حق بومحمد : " للاسف اخ علي .. من عقب ما سكرنا الجرح و قف القلب "

بو محمد : " لاحول ولا قوة الا بالله .. اللهم اجرني في مصيبتي و اخلفلي خيرا منها..
انا لله وانا اليه راجعون "

الدكتور تعجب من ردت فعل علي .. و توقع انه يصيح و يولول

ام محمد : " لا حول ولا قوة الا بالله !
بس لا .. ولدي ما مات.. انا متأكده "

الدكتور : " انا اقوللج قلبه وقف تقوليلي ما مات ؟! "

ام محمد : " انت ما تعرف شي .. انا في داخلي شعور يقوللي و لدج حي ..
و انا مؤمنه بربي و متأكده انه ما بيخذلني"

ما لحقت ام محمد تخلص كلامها الا النيرس طالعه تصارخ

" his heart is beating again .. i cant believe it "

<< ما اقدر اصدق .. قلب الولد رجع يدق !



الدكتور ما عرف شو يقول

تم يطالع ام محمد اللي كانت متغطيه من راسها لين ريلها

و يقول في خاطره : " من وين لها كل هالقوه و الصبر"

( عقب بتعرفون كيف عرفت اللي في خاطره )



رجع الدكتور غرفة العمليات

و تم فيها 3 ساعات

قلب محمد يدق

عقب ما خلصت العمليه و استقر قلب محمد

نقلوه غرفة العنايه المركزه

الحين عمر محمد شهر و نص

بعد 3 ايام فتح محمد عينه

طبعا من عقب العمليه كان ممنوع حد يدخل عنده

حتى امه


يوم فتح محمد عينه فرحت امه

و بطلت شنطتها و ما خلت فيها شي

فلوس و ذهب

كل شي وزعته

و تمت تشكر ربها على ان ولدها فتح عينه من اول و يديد






بس الفرحه ما تكتمل

اليوم الثاني جاها الخبر

و الله محمد عنده تسمم بكتيري في الدم << !

بسب تلوث شي من المعدات اللي استخدمت في العمليه

بس تمت صامده

وكان محمد كل يوم يغيروله دم 3 مرات

ذبل و شحب

و امه صابره

بعد 3 اسابيع شفي من المرض

وبعد ما طلعوه من العنايه المركزه

ام محمد يالسه في الحجره تطالعه و تقرا عليه

و تطالع آثار العمليه اللي في بطنه

دخل الدكتور الماني

يلس الدكتور وقال حق ام محمد ممكن اكلمج في موضوع خارج شغلي

ام محمد تمت ساكته

قاللها : " انا ابا اعرف انتي شو اللي كان مثبتنج و مخليك تصبرين كل هالمده ؟! "

ام محمد : " و هي ماسكه المصحف في ايدها .. ربي و هذا .. << قصدها المصحف
وانا كنت واثقه ان ربي ما بيخذلني و قرت له الآيه اللي تقول :
"وقال ربكم ادعوني استجب لكم "
و قالتله ان اللي يتوكل على الله خلاص ما يهمه شي"



الدكتور ما علق و طلع من الحجره

اول ما وصل ( علي ) يا الدكتور وقالله ابا اكلمك في شي خصوصي شوي

علي طلع وياه الممر و قال له : تفضل



الدكتور : " ممكن اعرف ليش حرمتك جيه متغطيه ... حتى شو لونها ما يبين "

بو محمد : " انا بقوللك ليش ... حنآ عندنا الحرمه مثل الجوهره الثمينه .. لازم نغطيها و نحفظها من عيون الناس .. و تكون حق { صاحبها } و بس "



الدكتور : " والله ان هذا هو اكرام الحرمه .. بو عبدالله انا قررت شي .. و ابا اقولك اياه "



بو محمد : "قول"



الدكتور : " أشهد ان لا اله الا الله و ان محمد رسول الله "



بو محمد : " الله اكبر .. الله اكبر"


و اسلم الدكتور ( الآلماني ) من ورا قصة محمد و امه !



هذه قصة حقيقيه

محمد الحين عمره 20 سنه

وهوطالب في جامعة الامارات

يدرس في كلية الاداره !



•


•


•




اتمني تكون ااعجبكم

تحياتي

تـــــــ ســــــــلم

وكلك ذووق

؛؛ : يسلمووو

//

مشكووره اختي ع القصه

العفوو قلبووو